http://www.nana-journal.ru

Мы в соц.сетях

ЧИТАТЬ ОНЛАЙН


Турпалхо Ахьмад-Хьаьжа Печать Email

 

Абдулаев Леча

Къонах

 

Къонахчо къонах ца вуьйцу.

Къонахчо вуьйцур вац къонах.

Хьо вара лам санна къонах.

Хьо вуьйцурш эрз бара куьйса.

(Хьо вара лам санна къонах).

 

 

Къонахчо къонахчун гlалат

Кхайкхор дац, дуьне ца кхеро.

Хьо бара мокхазан алу.

Хьо вуьйцурш юкъ яра кхера.

(Хьо бара алу тlехь алу).

 

Хьо бара лам латто кхийра,

Аьрзунийн тlемийн синкъерам,

Хьо яра умматан къийлор,

Хьо бара тlагlутна кхерам.

(Хьо яра умматан къийлор).

 

Хьо вац кхин. Дегlаста еха,

Хьан некъах дийца дош хилла.

Къонах ву дуьненан меха, –

Ма эрна олуш ца хилла.

Къонах ву дуьненан меха!

 

Хьо вац кхин. Лаьмнаш ца текха, –

Масал гуш ахь бинчу некъан.

Умматах арданг ца хилла,

Хьо хьайх ца доьхначу декъан

Барзахан нуьрехь дlаlилла.

 

Сий довр дац ахь бинчу некъан!

 

Талхадов Хьамзат

Кадыров Ахьмад-Хьаьжина

 

Цхьаннех а ца лечкъош,

Къаночо дегийча бlаьрхиш,

Ца кхулуш, малх кхетта,

Нохчийчоь, хьо муха лаьтта?

Ца билла, къонахчо

Хьабдича нур кхачош бlаьргаш,

Хьалха ма-хиллара

Зезагаш гlовтту хьан хьаьттахь.

 

Эттlачу куьйгашца

Дендайша йоьгlна бlов йоьжча,

Хьалха ма-латтара,

Бlаьрг lехош, кхин цкъа ца гlатта,

Гlиллакх, дош, lесачу

Тобанан когашка доьжча,

Ца юхуш, ца текхаш,

Ахь муха лов-те и атта?

Хьо яха декхар ю,

Декхар ю тlаьхьенна яха,

Пайхамарш кхелхина,

Делхош хьан нуьре и lалам.

Цхьа кlайдарг а яц хьан

Каш доцуш ахка, я аха,

Цундела бо хир бу

Къонахчо хьан лаьмнийн ларам.

 

Осалчо хьо хьоьшу,

Къонахчо хьан лазам хьоьшу,

Осалниг хьох уьдуш,

Къонахчо lуьйшу хьан бала.

Хьан лаьмнийн беснеш тlехь

Кlаргделла хершнаш а доьшуш,

Цхьаммо ца аьлла дош

Лоьху цо, хьо хьоьстуш ала.

 

Цунна а хьо кхузахь

Карийна дуьнена вогlуш,

Шел хьалха ваьхначу

Кхонахчо ларйина четахь.

Къонаха кхелхаш вац,

Тап олий ву къайла волуш,

Ца юхуш хьо латтарх

Со хlинцца, къежвелча, кхетта.

 

Къонахчун Тезет

Кадыров Ахьмад-Хьаьжина

Къонахчун тезетахь

Даггара хlора стаг воьлху,

lенадеш лаьтта тlе

Шайн довха и бlаьргийн хиш.

Ладоьгlча, lалам а

Хетало, узам беш доьлхуш,

Цхьа къонах кхелхича

Дуьне а ло дуккха тиш.

 

Къонахчун тезет а

Хуьлуш ду, хьун санна, луьста,

Шен хенахь цо шена

Гулбина белхи бу уьш.

Хlумма дац кху лаьттахь

Къонахчун гlиллакхца дуста,

Цундела боьлху нах

Иштта верг лаьтте дlалуш.

 

Тlедаржош цо хийла

Белшаш тlехь идийна верта,

Тезет а дlатийна

Къонахчух алийта дош.

Шен юьхь тlе lена хиш

Вистхиллац совцо а гlерташ,

Тlехуьлуш, къаночо

Хьаькхира шен бlаьргех пхьош:

 

– Адамаш! Вайн ваша,

Вайн мехкан комаьрша верас

Айби вай тахана

Егочу белшашна тlе.

Къинтlера шу дохуш

Моттарехь, дехар дан эшац,

Хlокхо ца дожийти

Лаьмнашна цхьа гlалат шех.

 

– Тахна вай даггара

Къинтlера девли-кха кхунна,

Ишттаниг, дlакхалхарх,

Дегнашкахь цкъа а ца вов.

Хиш совцац, къамелдан

Хала ду къурдашца суна,

lожалло эккхийти

Махкана доккханиг ков.

 

Кешнашка некъ эцна,

Мохь-цlогlа лаьмнашка даржош,

Кех ара йолийча

Къаноша тезетан юьхь.

Валар дац иштта дерг –

Хьо ойбуш, бlаьргех хиш lенош,

Цlогlане белхарца

Тlаьххьара ахь битахь мохк.

 

Яричев Умар

Ахмат-Хаджи Кадырову

 

Пожары… смерть… вороний грай…

Пройдя фатально круг за кругом,

В который раз, мой отчий край,

Ты был истерзан и поруган.

 

И память превращалась в тлен…

Но – вопреки любым невзгодам,

Ты поднимался вновь с колен,

Во имя чести и свободы…

 

Тревожный двадцать первый век…

Опять судьба – с ножом у горла…

Над нами крылья распростерло

Зло… Жертвой снова – человек…

 

Дымится красный меч войны…

Под серым небом – вихри смуты…

И не найти ничьей вины…

Осколки жизни – как минуты.

 

Но, чтобы нам спокойно жить,

Встал сын Чечни, как символ мира,

По имени Ахмат-Хаджи

И по фамилии Кадыров.

 

В руках – сияющий Коран,

В глазах – надежда неземная,

И перед ним – его родная

Земля – в бреду от тяжких ран.

Началом – для других начал

(Не так, как думала планида!)

Железный голос прозвучал:

Я свой народ не дам в обиду!

 

Добавил, недругов разя,

Даймохк окинув мудрым взглядом, –

Войну остановить нельзя!

С ней, как с врагом, покончить надо!

 

Свершилось!.. Из глухих руин

Встают проспекты и кварталы…

И там, где раньше смерть витала,

Слышны ночами соловьи…

 

Мы зла не помним (видит Бог!).

Что было – было… Мир нам нужен…

Лишь кое-где дымится в душах

Тревожной памяти ожог…

 

Не дай, Всевышний, нам забыть

В суровый час отдавших жизни

За наш покой и мир в Отчизне,

Чтоб мы могли достойно жить!

15.04.2012г.

 

 

Ясаев Леча

Ахмат-Хаджи Кадырову

Он был из тех, кто жил судьбой народа.

Кто чашу горя выпил с ним до дна.

Один из тех, кто верил, что свобода

Придет в Чечню с надеждой – как весна.

 

Она придет с великой верой в Бога,

В джихаде будет каждый сам с собой…

Он знал, что впереди еще дорога

Наполнена нелегкою борьбой.

 

Он был из тех, кто выстрадал свободу,

Кто шел по жизни с верой до конца.

Кто сам отрезал путь себе к отходу…

И выбрал путь народного борца.

 

Великий муж великого народа,

Он в этом мире не терял лица.

В трагичный час последний миг ухода

Он принял стойко с именем Творца.

 

Закрылась книга его жизни.

Он свой земной закончил путь...

Ты не грусти, Чечня, о сыне.

Но как погиб он, не забудь.

 

Свершится все, намеченное Богом.

У избранных – особая судьба…

Пусть прошлое послужит нам уроком,

Чтоб так не ошибались никогда…

Мы будем жить назло любым наветам.

Мы цену жизни знаем, как никто.

На утренней молитве, пред рассветом,

Не угнетает истину ничто…

 

Таких, как он, в Чечне, боюсь, не будет…

Делами сын напомнит нам о нем…

Никто потерь при жизни не минует.

И мертвых к жизни тоже не вернем…

 

Нам в мире этом будет утешеньем,

Что все те убиенные – в Раю.

И как заслон безумью и гоненьям,

Стоят они незримо все в строю...

 

Уциев Абу

Къонахчун дош толош, къонах, хьо велла

 

И валарх, къонах-стаг виц ца во наха –

Диканан лар юьсу цул тlаьхьа яха:

Боьлхучу нанойн юьхь екхийла лиъна,

Ахь хьегнарг тхайн дуьхьа, тхайна дуй хиъна,

Къонах, хьо виц ца ван дуй бу тхан биъна.

 

Дуй бу тхан хьох йисна ирхенаш яха,

Кхиабеш некъ, хьуьнарш хьан карладаха,

Халонех озалуш, жолам ца баха,

lожаллийн-м ша дийнарг ма хьекъахьара,

Вежаршлахь маршо тов – вежаршкахьара…

 

«Тlамо бен тlом буха тухур бац», – баьхна,

Дакъазло хиллера вай дохо хьаьхнарг…

Ахь совца-м бехира, дай хилий мехкан,

Вай нисдан баьхкинчийн дегнаш гой дехка…

Хьекъал ца тоьир-кха… цlий дара чехка.

 

Нохчийчоь яхаран урдонна делла

Хьан вожар, Кхоьллинчо шен дуьхьа дойла,

Кхиабан некъ, хьуьнарш хьан карладаха,

Биъна дуй, хьох йисна ирхенаш яха,

Кхочушбан де эшахь – шен геч а дойла.

 

Къонахчун некъ толош, Къонах, хьо-м велла,

lожалле а ахь биъна дуй къар ца белла!

 

Воздингов Махаш

Эшна воцуш

(Кадыров Ахьмад-Хьаьжийна)

 

Турпалхой тоьллачу толаман дийнахь,

Дlаваха къийсамехь эшна и воцуш.

Бакъо вайн толийта воьжначуьн сийлахь,

Дуьнено цlе айби южур а йоцуш.

Машарна сагlадеш дахар дlаделла,

Ткъесаха кlант веги, хьулдеш вай вонах.

Къоман эхь лардинчух мах беза белла,

Даймахко хастамбеш цlе яьккхи къонах.

 

Дош деган догучу хьаьштигах доккхий,

Цо ира тусура харцонаш ага,

Беркате гlулчаца Делан цlе йоккхий,

Къам кога хlоттийра ирс долуш даха.

 

И вара даржаха эцалурвоцург,

Эшначу мостагlчо шех бинарг лерам.

Къоман сий дайина вохкалурвоцург,

Халкъана хьанала ларбинарг тешам.

 

И вара дуьненах lехацавелларг,

Мисканиг шен шуьнехь дог цlена лайнарг.

Харцонна, бохамна озацавелларг,

Стешхачу дахарал lожалла тайнарг.

 

Хаджиева Седа

Къоман Турпал

Нохчийн сирла цlе ца яйта гlерташ,

Халонаш ца лайна и йожарна кхоьруш,

Йохийна ягийна вайн нохчий ярташ,

Къизачу lазапо хьовзийна адамаш,

И гича кийрара дог лаза даьлла,

Шен са а дlалур ша оьшучохь аьлла,

Шен мехка да хилла, Турпала къонах.

Цо даймохк цlанбира моссо а вонах.

 

Алалаш адамаш къонахчох лаций,

Яккхалаш цуьнан цlе «Турпалхо» алий.

Къонахийн орамах схьаваьлла нохчо,

Турпалхо Ахьмад-Хьаьжа – тхан деган серло.

Алалаш адамаш къонахчох лаций,

Яккхалаш цуьнан цlе «Турпалхо» алий.

И санна къонах ву дуьненан меха,

Турпалхо Ахьмад-Хьаьжа дегнашчохь веха.

 

Цо Делан пурбанца хаздира дахар.

Синтемехь нах охьа ховшийра Баха.

Барт-ийман даржийра халкъана юккъе.

Гlона куьг кховдира гlийлачу халкъе.

И тахна воцуш вай дисина цхьалха.

Вайн къоман турпалхо вицвийр вац наха.

Халонаш баланаш цо дукха лайра.

Вара и дог цlена, вара и майра.

 

Алалаш адамаш къонахчох лаций,

Яккхалаш цуьнан цlе «Турпалхо» алий.

Къонахийн ора ьаьжа - тхан деган серло.

Алалаш адамаш къонахчох лаций.

Яккхалаш цуьнан цlе «Турпалхо» алий.

И санна къонах ву дуьненан меха,

Турпалхо Ахьмад-Хьаьжа дегнашчохь веха!

 

 

 

Добавить комментарий


Защитный код
Обновить

©НАНА: литературно-художественный, социально-культурологический женский журнал. Все права на материалы, находящиеся на сайте, охраняются в соответствии с законодательством РФ. При использовании материалов сайта гиперссылка на сайт журнала «Нана» обязательна.