http://www.nana-journal.ru

Мы в соц.сетях

ЧИТАТЬ ОНЛАЙН


Б1аьстенца ломахь Печать Email

Маша Амаева

 

 

Мацах цкъа яьхначу юьрта го тосий,

Сийначу бацалахь зезагаш техкош.

Къоначийн дегнашкахь аьхналла хьостий,

Безамна яхкийна сан деган эхкан.

Диэхьа и… кхуьуьйтуш сан деган йовхо.

Д1а ала: «Нохчин йо1 сатесна еха».

Безамах догу дог ницкъ боцуш човхо,

Зандакъа лаьмнашкахь даима еха.

 

1уьйранна кхетачу малхаца г1оттий

Со юссу лаьмнашка, маршалла хоттий.

Мелачу мехца ас, шабаршка йолий,

Зезагийн басешка деган тхи диллий.

 

Техкарехь иллешка-эшаршка йовлий

И хаза исбаьхьа, ламанан хьаннаш.

Хьаннашкахь дог1учу, хино йиш локхий,

Шакаршца декало хьозарчий аьзнаш.

 

Безамо литтинчу шовдане юссий,

Ойланехь лаьтта со къоналло хьоьстуш.

Зандакъа лаьмнашка соьцанна воссий,

Дахкахьа, хьомениг, со лоьху некъаш.

 

Декалахь сан илли лаьмнашка доссий,

Ламана йо1ера лерамца г1аттий.

Аьхкенан де-делкъехь шовданах кховсий,

Хьаьгначу даггара маршалла эций!

 

Безаман тутмакх

 

Хьан кхолламехь, хьоьца яха

Доьг1на доцуш хилла-те со?

Сан яхарахь, со мел еха,

Ларван везаш хилла-те хьо?

 

Меллаша со, тутмакх хилла,

Вог1у денош карладохуш?

Я заманца хенах тилла,

Дог1а дог1ур-те, 1авраш хьолхуш?

 

Дуьхьал яда ницкъ а боцуш,

Когаш шаршарх кхоьруш хилла,

Я буьйсано серло оьцуш,

Ган де доцуш йисар кхийрина.

 

Я хьайн вахар доза доцуш

Хир ду моьттуш 1ехавелла?

Лела-те хьо, тергам боцуш,

Тутмакхалла соьга делла?

 

Хьан кхолламехь хьоьца яха

Доьг1на доцуш хилла-те со?

Сайн дахарехь, со мел еха,

Ларван везаш хилла-те хьо?

 

 

Добавить комментарий


Защитный код
Обновить

©НАНА: литературно-художественный, социально-культурологический женский журнал. Все права на материалы, находящиеся на сайте, охраняются в соответствии с законодательством РФ. При использовании материалов сайта гиперссылка на сайт журнала «Нана» обязательна.