http://www.nana-journal.ru

Мы в соц.сетях

ЧИТАТЬ ОНЛАЙН


БIаьсте Печать Email

Юсупов Лом-Iела


 

*   *   *

Б1аьсте ялош еъчи 1уьйре,

Бай т1е дуьллуш бецан тхи,

1аламо шен дуьйцу туьйра,

Шел хазаниг а доцуш кхин.

Сийна духар духий дитташ,

Кеч а делла гуш ду-кха.

Олхазарш а эшарш етташ,

Х1айте довлий гулло схьа.

 

Б1аьстено а аьхналл яржош,

Малх бу лаьтте кхийдош ирс.

Баьццара куз а арахь баржи,

Цхьа исбаьхьа ша нисбина.

 

Шовда а шен илли декош,

Анайисте уьдуш го.

Хенак1уро хьун а екош,

Гонара 1алам г1аттадо!

 

 

*   *   *

Б1аьсте яьлла, сийна бай бу,

Бай т1ехь лепа зезагаш.

Полларчи а ловзуш гуш ду,

Генахь ека шедагаш.

 

Алкханчи а эшар хеза,

Зарзар дека сел хаза.

Хенак1ур з1ок етташ еза,

Х1айте яьлла хьаьвзина.

 

Хьаьрса хьач а зазах буьзна,

К1айн шипонах хьаьрчина.

Исбаьхьаллех 1алам дуьзна,

Комаьршо схьакховдина.

 

 

 

Добавить комментарий


Защитный код
Обновить

©НАНА: литературно-художественный, социально-культурологический женский журнал. Все права на материалы, находящиеся на сайте, охраняются в соответствии с законодательством РФ. При использовании материалов сайта гиперссылка на сайт журнала «Нана» обязательна.