http://www.nana-journal.ru

Мы в соц.сетях

ЧИТАТЬ ОНЛАЙН


Кхо ваша а, элан кхо йоI а Печать Email

/Туьйра/

 

Цхьана тишачу хIусамехь Iаш къен стаг хилла. Цуьнан кхо кIант а хилла. Цара элана дукха белхаш беш хилла, хIора дийнахь ламанца йолу хьун хьакха а оьхуш. Иштта хIорш Iаш дена, шел а велла,  чIогIа цамгар кхетта.  Ша цу цамгарх ца вала мега аьлла дагадеанчу дас, шен кIентий схьа а кхайкхина, шена хьалха уьш охьа а ховшийна, аьлла:

- Вай вовшах дала дезаш йолу зама схьакхаьчна. Со бахьанехь шайна хорам ма белаш, бертахь Iелаш. ХIораммо а шайн дагахь латтаделаш: вон хила атта ду, дика хила хала ду шуна. Со дIаваьллачул тIаьхьа сан коша тIе  туьхан тIулгах дина чурт а хIоттаде, сан кош тIе дахка диц а ма ло.

 

Цу цамгарх кхин то ца луш, да кхелхина. КIенташа, шайн да дIа а верзийна, цуьнан весет кхочушдеш, туьхан тIулгах дина чурт доьгIна цуьнан коша тIе. РоггIана оьхуш, хIора дийнахь ден  коша тIе х1уттуш хилла кIентий. Церан тидам хилла дена хIоттийна чурт де-дийне мел дели жимлуш хилар. Воккхах волчу вашас жимах волчу шина веше аьлла:

- Буьйсана вайн ден каш лардан деза вай. ХIара туьхан тIулг цхьанна тайначух тера ду.

Вежарий цо бохучунна тIетайна. Уггар хьалха ден чурт лардан воккхах волу ваша вахана. Чуртан лакхалла а, лахалла а юьстина, цунна билгало а йина, чурт лардеш Iаш хилла хIара, шен тишачу вертана тIе агIор а ваьлла. Амма цунна иштта Iаш наб кхетта. ТIейогIучу шина буса а кхетта воккхах волчу вешина наб. Ден  чурт дуьстича, ша йинчу билгалонал дикка жимделла карийна цунна шайн ден чурт.

Шен рогIехь шолгIа ваша а вахана ден чурт лардан. Воккхах волчу вашас санна, чуьрта тIе билгало а йина, иза лардан охьахиъна юккъера ваша а. Цунна, вукху вешина санна, буьйса юллушехь, наб кхетта. Шен рагI чекх а яьлла, хIара хьаьжча, хьалхачул а чурт дутIделла карийна цунна.

ТIаьххьара жимах волу ваша Iела а вахана ден чурт лардан. Цо чурт ца дуьстина. Iад схьа а даьккхина, цуьнца болу пха схьа а эцна, шен тиша верта кIела а тесна, охьахиъна  хIара. Шена мел чIогIа наб тIегIоьртича а, наб ца кхоьтуьйтуш, чурт лардеш Iаш хилла Iела.  Ахбуьйса а дIаяьлла, амма цхьа а гучуволуш ца хилла. ТIаьххьара а сахуьлучу хенахь цхьана лома тIера охьайогIучу  Iаьржачу  марханах бIаьрг кхетта кхуьнан. И марха, текхна, кхуьнан ден коша тIе охьайогIуш хилла. Iелас мохь тоьхна:

- ХIай, Iаьржа марха!  Адам ду хьо, жин  ду я экха ду хьо? Саца эццахь!

Iаьржа марха, хIумма а ца олуш, кхин а герга гIерташ хилла. Iелас, шен Iад а озийна, нийсса оцу марханна юккъе тоьхна. ЦIаьххьана и марха Iаьржа говр а хилла, дIахIоьттина. «ХIара хилла-кх тхан туьха тайнарг», - аьлла, дагатесна кIантана.

Iела, хьала а иккхина, Iаьржачу говрана тIе хиъна. Цу говро, вадийна, кIант ворххIе а стигалан Iаьрчашка ваьккхина. Юха лаьтта охьа а йоьссина, хур а дина, шен кхес а ластийна, адаман маттахь йистхилла:

- ХIинца-м бац  суна тIехь цхьа а гIамаран цинц!

Амма, цуьнан букъа тIехь Iаш волчу Iелас аьлла:

- Со воцург бен, кхин хIумма а дац хьуна тIехь!

Iаьржа гила кхетта шена тIехиъна Iаш верг майра кIант вуйла. Цундела иза цунна къера а хилла, дIахIоьттина.

- Тахана дуьйна хьан долахь бу-кх со, хьо бен, кхин да воцуш. Со хьан тешаме дин бу хьуна. Охьа а воссий, сан кхесах мерз баккха, иза дIа а билла. Хьайна со ма ишшинехь, и мерз куьйгаш юккъе хьакхабе, со мел гена хиларх, хьуна тIекхочур бу, - аьлла Iаьржачу гилано.

Iелас, говрара а воьссина, цуьнан кхесах мерз а баьккхина,  иза дIалачкъийна, ткъа Iаьржа гила, мох санна, дIаиккхина, къайлабаьлла.

ШолгIачу буса а, шен вертана тIе а хиъна, ден каш лардеш Iаш хилла жимах волу кIант. Сахуьлучу хенахь кхунна гина лам тIера текхна охьайогIу кIайн марха. Iелас мохь тоьхна:

- ХIай, кIайн марха! Адам ду хьо, жин  ду я экха ду хьо? Саца эццахь!

Амма кIайн марха соцуш ца хилла. Шен Iад а озийна, цу мархана юккъе пха тоьхна кIанта. ЦIаьххьана цунах кIайн говр хилла. «ХIокху говрана а дезаделла хилла-кх туьха», - дагадеана Iелина. Кхоссавелла, цу говрана тIехиъна кIант. Ткъе ворхIазза стаглахула цхьана йистера вукху йисте а юьйлуш, дIаса а лелла, лаьтта охьайоьссина кIайн говр. Шен кхес а ластийна, хур  деш, самукъне адамийн маттахь йистхилла:

-ХIинца-м бац  суна тIехь цхьа а гIамаран цинц!

Амма цуьнан букъа тIехь Iаш волчу Iелас аьлла:

- Со воцург бен, кхин хIума-м дац хьуна тIехь!

КIайчу говрана хиъна, шена тIехь Iаш волу бере майрачех вуйла а, ша цунна къера хила езийла а.

- Тахана дуьйна хьан долахь бу-кх со, хьо бен, кхин да воцуш. Со хьан тешаме дин бу хьуна. Охьа а воссий, сан кхесах мерз баккха, иза дIа а билла. Хьайна со ма ишшинехь, и мерз куьйгаш юккъе хьакхабе, со мел гена хиларх, хьуна тIекхочур бу хьуна, - аьлла кIайчу гилано.

Iелас, говрара а воьссина, цуьнан кхесах мерз а баьккхина,  иза вукху мерзана улло дIалачкъийна, ткъа кIайн гила, мох санна, дIаиккхина, къайлабаьлла.

КхозлагIчу буса а, шен вертана тIе а хиъна, ден каш лардеш Iаш хилла Iела. Сахуьллучу хенахь лома тIера текхна чуйогIуш цIен марха хилла. Iелас мохь тоьхна:

- ХIай, цIен марха! Адам ду хьо, жин  ду я экха ду хьо? Саца эццахь!

Амма цIен марха соцуш ца хилла. Шен Iад а озийна, цу мархана юккъе пха тоьхна Iелас. ЦIаьххьана цу мархана юккъера  расха дин схьабаьлла. «Хьуна а марзделла туьха даар!» - аьлла, Iелас, кхосавелла, говра тIе а хиъна, катоьхна, цуьнан кхес схьалаьцна. Ша лаьттачуьра тасабелла, стигала хьала а баьлла, дезткъе кхузза цхьана йистера вукху йисте а болуш, дIасалелла и дин. Цул тIаьхьа лаьтта охьа а боьссина, шен кхес а ластийна, адамийн маттахь аьлла цо:

- ХIинца-м бац  суна тIехь цхьа а гIамаран цинц!

Амма, цуьнан букъа тIехь Iаш волчу Iелас аьлла:

- Со воцург бен, кхин хIума-м дац хьуна тIехь!

Расха дин кхетта, шена тIехь Iаш волу бере майрачех вуйла а, ша цунна къера хила безийла а.

- Тахана дуьйна хьан долахь бу-кх со, хьо бен, кхин да воцуш. Со хьан тешаме дин бу хьуна. Охьа а воссий, сан кхесах мерз баккха, иза дIа а билла. Хьайна со ма ишшинехь, и мерз куьйгаш юккъе хьакхабе, со мел гена хиларх, хьуна тIекхочур бу хьуна, - аьлла расхачу дино.

Iелас, говрара а воьссина, цуьнан кхесах мерз а баьккхина,  иза вукху шина говран мерзашца дIалачкъийна, ткъа расха дин, мох санна, дIаиккхина, къайлабаьлла.

Ша цIа кхаьчча, шен вежаршка хIумма а дIа ца дийцина Iелас шена гинчух лаьцна, амма, царна синтем хилийтархьама, ден коша тIера тIулг кхин цхьаммо а хьабийр бац аьлла, дIахаийтина цо шен шина вешига.

Iела шен ден каш лардеш Iачу заманчохь кхеран юьрта цхьа хабар кхаьчна: эла шен кхо йоI маре дIалуш ву, аьлла. Амма элан зудабераш маре дуьгуш верг  хаьхкича шен дин хьалхабаьлларг хила веза.

Воккхах волу ши ваша говраш хохкучу ваха кечвелла. Ша а ваийтахьара шайца, аьлла, дехар дина жимах волчу вашас. Цара аьлла цуьнга:

- Шина говрахь муха гIур ду  вай, ткъа кхоалгIа говр вайн яц. Ахь цигахь дан хIума а дац – дикачу берешца къовсавала таро ма яц хьан!

Iелас хIумма а ца аьлла шина вешига. И шиъ дIаваханчул тIаьхьа, араваьллачу жимах волчу вашас, ша Iаьржачу говран кхесах баьккхина мерз киснара схьа а баьккхина, шен куьйгаш юкъахь хьакхийна. Цу сохьта кIанта дуьххьара схьалаьцна болу хьаргIа санна Iаьржа дин беана схьахIоьттина.

- Со кийча бу ахьа аьлларг дан, Iела. Стенга доьлху вай? – аьлла, бистхилла иза адамийн маттахь.

- Эла Iаш волчу шахьаре доьлху вай, - аьлла Iелас. – Некъа тIехула гIолахь, стиглахула айбелла а ца боьдуш.

Ламанца болчу готтачу некъахула дIаиккхина кIентан Iаьржа дин. Хьалха дIабахана болчу Iелин вежаршна тIаьхьа а кхиъна, царна тIехъиккхина иза.

- Вайн Iелех ма тера вара и дIавахана бере, - аьлла воккхах волчу вашас юккъерачуьнга.

Важа-м, хьалха а иккхина, дIавоьдуш хилла. Цуьнан маса дин, махаца къийсалуш, бергашца тIулгех суйнаш туьйсуьйтуш, гола тухучохь Iелас ша  юхаозийча, дуьрстанан гаьллаш Iуьйшуш, дIабоьдуш хилла.

ТIаьххьара а паччахь вехаш волчу метте дIакхаьчна хIара. Iелина ша цига дIакхачале бухахь дуккха а шайн говрашкахь береш хир бу моьттура, амма эла вехаш волчу гIалина хьалхара майда яьсса яра. КетIахь Iаш къена эла а вара, малхехь шен къена даьIахкаш а йохъеш. Цунна уллохь лаьтташ ши гIаролхо а вара, карахь тарраш а долуш. Эле салам а делла, Iелас цуьнга хаттар дира:

- Мичахь бу вуьш къонахий? Схьахетарехь, со дукха хьалха веана кхуза.

Эло кIанте жоп делла:

- Динан бере, хьо тIаьхьависина. Дика дой долу береш говраш хахка бахана кхо дей, кхо буьйсий хан ю.

ТIаккха кIанта юха а хаьттар дина:

- Сийлахь волу эла, мичахь карор ю суна цара говраш хохку меттиг? Царна тIаьхьакхиа хьожур вара-кх со.

Эло, цо аьллачух ца тешаш, белш саттийна, амма кхуьнан хаттарна жоп а делла:

- Казбек-ломан кIажехь хин хьоста ду. Цунна уллохь доккха кхоран дитт ду, цу дитта бухахь лаьтташ кхаба ю. Цу кхаби чохь сан йоккхах йолчу йоIан чIуг ю. Уггар хьалха цига дIа а кхаьчна, цу кхаби чуьра мухIар кхуза схьадеаначуьнга лур ю аса сайн йоI.

Эло кхо дан дезарг схьаоллушехь, цуьнан Iодика а йина, шен динан урх схьаозийна кIанта. Моха санна, сиха дIаэккхийтина цо шен тамашийна гила, кIентий дIабахначу новкъа а ваьлла.

Дикка новкъахула Iела дIавахча, тIаьхьакхиъна иза шел кхо де хьалха дIабаханчу берешна. Цаьрца ца соцуш, лам чу хьала а вахана, цигарчу шовдана йистехь лаьттачу кхура кIелара кхаба схьа а эцна, цу чуьра элан йоIан чIуг а яхьаш цIехьа вирзина шина вешин жимах волу ваша Iела. Малх чубуза дикка хан йолуш веана схьакхечира кIант элан хIусаме, карахь йоллуш чIуг а йолуш.

Цецвьлла эла, амма бина барт ца бохийна цо.

- Сан йоккхах йолу йоI яло хьакъ ду ахьа, амма сайн кхо а йоI цхьана дийнахь маре дIаяла лаьа суна, цхьана дийнахь той а хIоттош. Хьайн цIа а гIой, ладугIуш хила. Сайн массо а зудаберийн тIехьийза кIентий билгалбевлча, ас хаам бийр бу. ТIаккха юхавогIур ву хьо.

Воккхах волчу шина вешина гина хилла Iаьржачу говрахь волчу беречо къеначу эле чIуг дIалуш, амма шайн ваша Iела кхарна вевзина ца хилла.

- Ялийти вай йоккхах йолу йоI, - аьлла юккъерачу вашас. – Кхана хьалххехь хьалагIовтта деза. Юккъера йоI вайх волчу цхьанне кхача мега.

Цара шайн говраш цIехьа ерзийна. ХIорш цIа кхаьчча, жимах волу ваша цIахь карийна кхарна – кертахь цхьацца гIуллакхаш деш воллуш хилла иза. Вежарий цIа баьхкина гича, шена цхьа а хIумма ца хууш санна, хаьттина цо:

- Хьенан говр тахана хьалхаели? Хьанна кхечи элан йоккхах йолу йоI?

- Хьуна стенна хаа дезаш ду иза? Хьо хIинца а жима ма ву. Бакъдерг дийцича, и бере хьох чIогIа тера-м вара, делахь иза тIехь Iаш хилла йолу говр хьуна цкъа а ца гинчу тайпана, башха яра, - аьлла, жоп делла вежарша.

Сахуьлучу хенахь вежарий юха а шайн говраш кечъян буьйлабелла. Цара юха а Iела шайца ца вигина. Уьш шайн юьртара арабовла кхиале, Iелас шен киснара кIайн мерз схьа а баьккхина, иза шен куьйгаш юккъе хьакхийна. Цу сохьта кIайн дин гучубаьлла:

- Со кийча бу ахьа аьлларг дан, Iела. Стенга доьлху вай? – аьлла, бистхилла иза адамийн маттахь.

КIанта дIадийцина, ша элан шолгIа йоI йига баьхкинчу берешца къовсавала дагахь хилар.

- Цкъа хьалха элан хIусаме доьлху вай, - аьлла, омра дина цо говрана. - Некъа тIехула гIолахь, стиглахула айбелла а ца боьдуш.

Ламанца болчу готтачу некъахула дIаиккхина кIентан кIайн дин. Хьалха дIабахана болчу Iелин вежаршна тIаьхьа а кхиъна, царна тIехъиккхина иза. Цара ларамца кхуьнгара салам дIаэцна. Юккъерачу вашас, кхунна тIаьхьа а хьаьжна, аьлла:

- Ма тера а вара и дIавахана бере вайн вешех Iелех.

Важа-м, хьалха а иккхина, дIавоьдуш хилла. Цуьнан маса дин, махаца къийсалуш, бергашца тIулгех суйнаш туьйсуьйтуш, гола тухучохь Iелас ша  юхаозийча, дуьрстанан гаьллаш  Iуьйшуш, дIабоьдуш хилла.

Элан гIопахь дукха адам гулделла хилла. Кхуза веана волу хIора бере элан шолгIа йоI шена йига дагахь веана хилла. Ткъа эло хаам бина:

- Ас сайн йоI дIалур ю шен говрахь хьуьлларчу лома тIе а ваьлла, аьрзунан бен чуьра мас еанчунна.

ГIайгIане хилла дIахIоьттина дерриг а адам. Лам дукха лекха а, говран берг дIатаса меттиг боцуш, нийсса ирхбахана лаьтташ хилла. Ткъа аьрзунан бен ломан боххьехь хилла, мархашна юккъехь къайлабаьлла а хилла. Iела а шекъваьлла хилла, бер буй те шен гила цу ломан боххье, бохуш. Амма кIайчу гилано шен дега аьлла:

- Со адамашна юккъера схьа а иккхина, сихха лома тIе хьалабер бу хьуна. Ткъа ахьа, сан кхес чIоггIа схьа а лаций, чож морцуш, чоьже суна шед а тоха, кхузткъе кхоъ беречочул а чIогIа мохь а хьакха.

Говран кхес чIоггIа схьа а лаьцна, шен говрана ши ког тIетаIийна Iелас. КIанта шега омра дешшехь, адамашна юкъара схьа а иккхина, говр лам болчу агIор дIатасаелла. Чож морцуш, чоьже шед тоьхна Iелас. Кхузткъе кхоъ беречо санна чIогIа мохь а тухуш. Хьалатасабелла кIайн гила ломана тIе: хьалхарчу когашца гIашлойн некъ боккхуш, тIехьарчу когашца и некъ шорбеш. Дукха сиха ломан боххье кхаьчна хIорш, аьрзунан бен болчу. Аьрзунан бен чуьра мас схьа а эцна, лома тIера охьа а воьссина, и мас эле дIаелла Iелас. Эла чIогIа цецваьлла, амма бина барт цо ца бохийна.

- Сан шолгIа йоI яло хьакъ ду ахьа, амма сайн кхоь а йоI цхьана дийнахь маре дIаяла лаьа суна, цхьана дийнахь той а хIоттош. Хьайн цIа а гIой, ладугIуш хила. Сайн массо а зудаберийн тIехьийза кIентий билгалбевлча, ас хаам бийр бу хьоьга. ТIаккха юхавогIур ву хьо.

Воккхах волчу шина вешина гина хилла шарул кIайчу говрахь волчу беречо эле аьрзун мас дIалуш, амма Iеле дикка хьажа уьш ца кхиъна.

- Ялийти вай шолгIа йоI а, - аьлла цхьана вашас вукхуьнга. – Кхана юха а хьалххехь хьалагIатта веза вайша. Жимах ерг мукъне вайшинна цхьанна кхача ма мега.

ЦIа кхаьчча, Iела бухахь карийна кхарна. КIанта хаьттина вежаршка:

- Тахана муьлхачу беречо баьккхина толам? Хьан ялор ю хIинца элан шолгIа йоI? – аьлла.

- Хьуна стенна хаа дезаш ду иза? Хьо хIинца а жима ву. Бакъдерг дийцича, хьох тера-м вара и кIант, амма иза тIехиънарг санна йолу говр хьуна цкъа а хьайн дахарехь гина хир яц, - аьлла, жоп делла вежарша.

КхозлогIчу дийнахь вежарий, сахилале хьала а гIевттина, шайн говраш кечъеш хилла. Ткъа Iела самавалаза хилла. Шайн говрашна тIе нуьйраш а техкина, юьртах бевлла вежарий. Вежарий къайлабовллушехь, Iелас шен расхачу динан мас схьа а яьккхина, иза куьйгаш юкъахь хьакхийна. Цо и дешшехь, расха дин гучубаьлла:

- Со кийча бу ахьа аьлларг дан, Iела. Стенга доьлху вай? – аьлла, бистхилла иза адамийн маттахь.

Iелас хаийтина дине ша элан кхозлагIа йоI къовса кечбеллачу берешца и йоI къовса воллу аьлла.

- Цкъа хьалха элан хIусаме доьлху вай, - аьлла Iелас шен дине. - Некъа тIехула гIолахь, стиглахула айбелла а ца боьдуш.

Элан хIусаме боьдучу новкъа дIатилла расха дин Iелица цхьаьна. Хьалха дIабаханчу Iелин вежаршна тIаьхьакхиъна хIорш. Цара ларамца кхуьнгара салам дIаэцна. Юккъерачу вашас, кхунна тIаьхьа а хьаьжна, аьлла:

- Ма тера а вара и дIавахана бере вайн вешех Iелех.

Ткъа жимах волу ваша дикка хьалхаваьлла дIавоьдуш хилла. Ткъа важа-м, хьалха а иккхина, дIавоьдуш хилла. Цуьнан маса дин, махаца къийсалуш, бергашца тIулгех суйнаш туьйсуьйтуш, гола тухучохь Iелас ша  юхаозийча, дуьрстанан гаьллаш  Iуьйшуш, дIабоьдуш хилла.

ХIорш паччахьан хIусаме дIакхаьчча, дукха адам хилла кхузахь гулделла. Дукха дошлой хилла кхузахь, цхьаберш дукха генарчу махкашкара схьабаьхкина а хилла. Цхьа хан яьлча, кхуьнан ши ваша а схьакхаьчна, амма адам дукха хиларна, Iелех бIаьрг ца кхетта церан. Шен гIопара араваьлла къена эла. Дошлошна тIе а веана, цаьрга дикка хьажа а хьаьжна, массарна а хазийтархьама аз айдеш вистхилла иза:

- Сайн жимах йолу йоI ас маре дIалур ю кхузткъа дол хиллал кIоргачу гIуна чуьра говр хаьхкина воггIушехь ка схьабаьккхинчу кIанте, - аьлла.

Дерриг а адам цецдаьлла цо аьллачух. «Муха валалур ву динахь оццул готтачу гIу чу?», - бохуш, хоьттура цара вовшашка.

Iела шен расхачу динах дагаваьлла:

- ХIинца вайшинга хIун далур дара те?

Кхуьнан дино жоп делла:

- Шек а ма вала – суна кхин а даккхий хIуманаш гина хьуна. Со ца кхоош, суна шед тоха. Адам Iадош, дитташ лаьтта охьадохкуш мохь а тоха, чIоггIа сан кхес схьа а лаца.

Шен динан кхес схьа а лаьцна, цунна шед а тоьхна, аренаш Iадош мохь тоьхна Iелас: адамаш а, дитташ а лаьтта охьадийшина. Адамийн тобанна юккъера кIант вадийна схьа а ваьккхина, элан ялхоша ка чубаьккхинчу гIуна тIе валийна иза шен гилано. Хьалхарчу когашца латта охкуш, тIехьарчу когашца иза дIасакхуьйсуш, гIу чохь болчу кана тIекхачийна Iела шен гилано. Катоьхна коьман маIа схьа а лаьцна, хIара гIу чуьра араволучу хенахь, коьман маIа яьлла, ткъа ка гIу чу боьжна. И дерриг а гина корехь Iаш йолчу элан йоIана. Цо Iелига мохь тоьхна:

- Коьман тIаргIа а лаций, хьалабаккха иза! – аьлла.

ЙоIа аьлларг хезна волчу Iелас, юха а вирзина, коьман буькъачу тIаргIи юккъе куьг а дахийтина, иза схьалецира, ка а бахьаш, гIуна чуьра ара а велира. И ка цо элана хьалха охьабиллира.

- Ас хьоьга лур ю сайна уггар дукхаезаш йолу жимах йолу йоI, - аьлла эло. – Ткъа хIинца тойна кечдала деза вай. Кхо де даьлча юхавола, майра къонаха!

Iела шен расхачу динахь дIавахана. Вежарий шайн цIа баьхкича, Iела кертахь цхьацца гIуллакх деш карийна царна. Цо хаьттина вежаршка:

- Тахана муьлхачу беречо баьккхина толам? Хьан ялор ю хIинца элан жимах йолу йоI? – аьлла.

- Хьуна стенна хаа дезаш ду иза? Хьо хIинца а жима ма ву. Бакъдерг дийцича, и бере хьох чIогIа тера-м вара, амма иза тIехь Iаш хилла йолу говр хьуна цкъа а ца гинчу тайпана, башха яра, - аьлла, жоп делла вежарша.

Са ца тохаделла Iелига цара иштта аьлча. Кхаа гевран кхо мерз схьа а баьккхина, уьш шен куьйгаш юкъахь хьакхийна цо. Беана кхо дин схьахIоьттина. ЧIогIа цецбевлла вежарий.

- ХIинца хIун эр ду аша? – аьлла, хаттар дина Iелас шен воккхах волчу шина веше.

Вуьш ала хIума а доцуш, бисина, шаьш аьлларг бахьана долуш дегабаам ма бахьара, бохуш. Iелас аьлла:

- Дукха тIаьхьа ду хIинца: дадас бертахь Iе ма аьллера вайга. Ткъа шуна цо аьлларг дицделла. Шуна шаьш бен хIумма а ца гора, шаьш къонахий а хетара шуна. Амма суна диц ца делла дадин дешнаш: «Вон хила атта ду, дика хила хала ду. Цундела ас цо ма-аллара дийр ду.  Шу сан вежарий ду, цундела вашас дан дезарг дийр ду ас. Схьакъастае шайна цхьацца говр. Элан тойне дахача, хIораммо а шайна езаелла элан йоI а схьакъастае.

Кхо де даьлча эло хаам бина, ша шен кхо йоI маре дIалуш ю аьлла.

Iела цига шен вежаршца цхьаьна вахана.

ХIоранга а хIинца массарна а бевзаш болу кхо дин хилла.

Эло кхаа дине а хьаьжна, кхо бере тIеэцна.

Воккхах волчу вашас йоккхах йолу йоI хаьржина шена, шолгIачу вашас – элан шолгIа йоI хаьржина, ткъа Iелас жимахъерг хаьржина. Иза цунна уггар хаза а, дика а хетта.

Кхаа дийнаххьий, кхаа бусий ловзар лаьттина элан хIусамехь.

Цул тIаьхьа вежарий шайн цIа баха кечбелла. Шайн говрашна тIе а хиъна, элан йоIарий шайца а болуш, цIа баха новкъабевлла уьш. Эло, ша уьш новкъабахале, дукха совгIаташ а дина хилла шен невцарашна.

Шайн юьрта бахана хIорш: Iаьржачу динахь хьалхаваьлла воьдуш воккхах волу ваша хилла, цунна тIаьхьахIоьттина кIайчу говрахь воьдуш шолгIа ваша хилла, расхачу динахь воьдуш Iела а хилла.

Баьхкина цIа а кхаьчна, ирсе, мерзачу безамца баха хевшина уьш.

 

 

 

 

Три брата и три княжеские дочери

/Сказка/

 

 

В

старой обветшалой сакле жил бедняк. Было у него три сына. Все вместе они ходили в горы валить лес для князя. Однажды старик простудился и слег. Чувствуя, что больше ему не подняться, позвал сыновей, усадил перед собою и говорит:

- Пришла пора нам расстаться. По мне не горюйте. Живите дружно. Пусть каждый помнит: плохим быть легко, трудно быть хорошим. А на могилу мою положите большой кусок каменной соли. Да не забывайте наведываться туда.

Отец умер. Сыновья похоронили его с почестями, потом раздобыли глыбу соли, обтесали ее и поставили на отцовскую могилу. Каждый день кто-нибудь из троих сыновей наведывался на могилу отца. И стали братья замечать, что глыба соли день ото дня становится все меньше и меньше. Старший сын предложил:

- Надо ночью посторожить отцову могилу. Видно, наша соль кому-то пришлась по вкусу.

Братья согласились. Первым отправился старший брат. Пришел к могиле, измерил веревочкой высоту соляной глыбы, завязал узелок для памяти. Затем расстелил старенькую бурку, прилег и ждет. Ждал-ждал, а как только стемнело - не выдержал и уснул. Так было три ночи подряд. На четвертый день, прежде чем вернуться домой, старший брат достал веревочку, приложил и заметил, что соляная глыба уменьшилась.

Вторым отправился сторожить надгробье средний из братьев. Пришел к могиле, измерил веревочкой высоту глыбы, завязал узелок для памяти. Затем расстелил старенькую бурку, прилег и ждет. Ждал-ждал, уже и ночь наступила, а он все крепится, чтобы не уснуть. Но в полночь не выдержал и заснул. Так было три ночи подряд. На четвертый день, собираясь домой, средний брат достал веревочку, приложил и заметил, что соли стало меньше.

Третьим отправился младший из братьев - Али. Пришел к могиле, но измерять глыбу не стал, а вынул лук, выбрал стрелу покрепче, положил старенькую бурку на землю, сел и ждет. Ждал-ждал, уже и полночь миновала, но никого нет. Али сидит, не выпускает лука из рук. И только светать начало, глядит - надвигается с горы черное облако и опускается на могилу. Али закричал:

- Эй ты, черное облако! Дух ли ты, человек ли, зверь ли - остановись!

А черное облако все ниже и ниже опускается на землю. Али натянул тетиву и выпустил стрелу. Попал прямо в середину облака. Облако вдруг превратилось в коня черной масти. “Вот кому наша соль по вкусу пришлась! Видно, волшебные кони не меньше простых любят лакомиться солью”, - сообразил Али.

Бросился он к черному коню и вскочил на него. Конь тут же взмыл вверх и семь раз облетел небо из конца в конец. Потом опустился на землю, тряхнул гривой, фыркнул и, довольный, проговорил человеческим голосом:

- Теперь-то на мне нет ни песчинки!

Али возразил:

- Кроме меня, джигита!

Черный конь понял, что седок попался не из робких. Придется ему покориться.

- Отныне ты мой хозяин, а я твой верный конь. Спустись на землю, вырви волос из моей гривы и спрячь. Когда я буду тебе нужен, потри его в руках, и я явлюсь, как бы далеко ни находился, - сказал черный конь.

Али слез с коня, вырвал из его гривы волос, и черный конь умчался прочь.

На вторую ночь Али снова сел на бурку сторожить могилу. Когда начало светать, глядит - надвигается с горы белое облако.

Али закричал:

- Эй ты, белое облако! Дух ли ты, человек ли, зверь ли - остановись!

А белое облако все ниже опускается на землю. Али натянул тетиву и выпустил стрелу, которая попала прямо в середину облака. Вдруг оно превратилось в коня белой масти. “Этому коню тоже соли захотелось”, - подумал Али.

Не теряя ни мгновения, он бросился к белому коню и вскочил на него. Волшебный конь тут же взмыл вверх и двадцать семь раз облетел небо из конца в конец. Потом конь опустился на землю, тряхнул гривой, фыркнул и, довольный, проговорил человеческим голосом:

- Теперь-то на мне нет ни песчинки!

Али возразил:

- Кроме меня, джигита!

Белый конь понял, что седок попался не из робких. Придется ему покориться.

- Отныне ты мой хозяин, а я твой верный конь. Спустись на землю, вырви волос из моей гривы и спрячь. Когда я понадоблюсь тебе, потри его в руках, и я явлюсь, как бы далеко ни находился, - сказал белый конь.

Али слез с коня, вырвал из его гривы волос, и белый конь умчался. На третью ночь он опять сел на бурку сторожить могилу. Только начало светать, глядит - надвигается с горы красное облако. Али закричал:

- Эй ты, красное облако! Дух ли ты, человек ли, зверь ли - остановись!

А красное облако все ниже опускается на землю. Али натянул тетиву и выпустил стрелу, которая попала прямо в середину облака. Вдруг оно обратилось в коня рыжей масти. “И ты повадился соль лизать!” - воскликнул Али, вскочил на него верхом и обеими руками вцепился в гриву. Конь с места взмыл вверх и восемьдесят три раза облетел небо из конца в конец. Потом опустился на землю, тряхнул гривой, фыркнул и, довольный, проговорил человеческим голосом:

- Теперь-то на мне нет ни песчинки!

Али возразил:

- Кроме меня, джигита!

Рыжий конь понял, что седок попался не из робких. Придется ему покориться.

- Отныне ты мой хозяин, а я твой верный конь. Спустись на землю, вырви волос из моей гривы и спрячь. Когда я понадоблюсь тебе, потри его в руках, и я явлюсь, как бы далеко ни находился, - сказал рыжий конь.

Али слез с коня, вырвал из его гривы волос, и рыжий конь умчался прочь. Али спрятал рыжий волос туда, где у него лежали остальные волосы - белый и черный, и пошел домой. Ничего не стал он братьям рассказывать, а только сказал, что соль на могиле отца никто больше не тронет.

Пока Али сторожил могилу, до их аула дошел слух, что князь той стороны выдает замуж трех своих дочерей. Свататься может каждый, но получит княжескую дочь лишь тот, кто победит в состязаниях с другими джигитами.

Старшие братья решили поехать и попытать счастья. Оседлали они своих коней и отправились в путь. Али с собой они не взяли:

- Нельзя втроем на двух конях ехать, засмеют нас. А третьего коня у нас нет. Да и делать тебе там нечего - куда тебе тягаться с лучшими джигитами!

Али ничего не сказал в ответ. Когда братья были уже далеко от дома, он достал черный волос и потер его в руках. Тут же перед ним появился черный конь.

- Готов служить тебе, Али. Куда ехать велишь?

- К замку княжескому, - коротко молвил Али.- Только поезжай по дороге, не надо по небу лететь.

Черный конь рванулся по узкой горной дороге. Он догнал и оставил позади старших братьев Али. Те почтительно ответили незнакомому всаднику на приветствие, посмотрели вслед, а средний брат сказал:

- Как похож этот всадник на нашего брата Али!..

А младший брат все скакал вперед. Спорил с ветром черный конь, высекал из камней искры, а на крутых поворотах, где Али пытался его придержать, покусывал удила от нетерпения.

И вот добрались они до владений князя. Подъезжая к замку, Али ожидал увидеть толпу джигитов. Но площадь перед замком пустовала. Только у входа в замок в кресле сидел старый князь и грел на солнце свои старые кости. Рядом с ним стояла стража - два воина с саблями. Али поздоровался с князем и спросил:

- А где остальные джигиты? Может быть, я слишком рано приехал?

- Ты опоздал, джигит, - сказал князь, с хитрой усмешкой поглядывая на Али. - Твои соперники уже давно в пути: два дня миновало, две ночи прошло, а теперь уж третий день на исходе.

- Светлый князь, куда они скачут? Сказал бы ты мне - глядишь, я их догоню.

Князь пожал плечами, но ответить ответил:

- Есть у подножия горы Казбек родник. Рядом с ним растет большое грушевое дерево, а под деревом кувшин стоит. В том кувшине - кольцо моей старшей дочери. Кто первым туда доскачет, кольцо достанет и сюда привезет, тому и быть женихом.

Пришпорил Али своего волшебного скакуна. Черный конь устремился в ту сторону, куда третьего дня ускакали соперники. Теперь он не бежал по дороге, а летел по воздуху, обгоняя ветер.

И часу не прошло - настиг Али всех джигитов. Обогнал их, добрался до Казбека, нашел родник и грушевое дерево, а под грушевым деревом - кувшин с кольцом. Взял кольцо и повернул обратно. Солнце стояло еще высоко, когда Али вернулся к княжескому замку с кольцом в руке. Князь удивился, но уговор нарушать не стал.

- Достоин ты моей старшей дочери. Но свадьбу я справлю всем трем дочерям сразу. Возвращайся к себе домой и жди. Когда у всех дочерей будут женихи, я объявлю. Тогда и приезжай.

Старшие братья видели, как всадник на черном коне отдавал старому князю кольцо, но не узнали Али. Сами они только-только подъехали.

- Упустили мы старшую дочь, - сказал средний брат. - Надо завтра пораньше встать. Может, средняя достанется одному из нас.

И повернули коней домой. Приехали, а младший брат уже там - хлопочет у сакли, крышу чинит, будто и не думал со двора отлучаться. Увидел братьев и спрашивает:

- Чей конь пришел сегодня первым? Кто станет женихом старшей дочери князя?

- А зачем тебе это знать? Ведь ты еще молод! По правде сказать, он был похож на тебя, но сидел на таком коне, какого ты в жизни не видел, - услышал Али в ответ.

На рассвете братья снова стали седлать коней. И опять не взяли с собой Али.

Не успели они выехать из аула, как Али достал белый волос и потер его в руках. Явился к нему белый конь:

- Готов служить тебе, Али. Куда ехать прикажешь?

Юноша рассказал, что намерен потягаться с теми джигитами, которые будут сегодня свататься к средней дочери князя.

- Поедем к замку княжескому, - приказал он коню. - Только поезжай по дороге, не надо по небу лететь.

Белый конь рванул по узкой горной дороге. Он догнал и оставил позади старших братьев Али. Те почтительно ответили неизвестному всаднику на приветствие, посмотрели вслед, и средний брат снова сказал:

- Как похож этот всадник на нашего брата Али!

А младший брат все скакал вперед. Спорил с ветром белый конь, высекал из камней искры. На крутых поворотах, где Али пытался его придержать, покусывал удила от нетерпения.

Двор князя был полон народу. Джигитов понаехало видимо-невидимо. Каждый мечтал взять в жены девушку-красавицу, среднюю дочь князя. А князь объявил:

- Женихом будет только тот джигит, который на своем коне быстрее всех взберется вон на ту гору и доставит мне перо из орлиного гнезда.

Смутились джигиты: гора была отвесная, нигде ни деревца, ни кустика, ни выступа - удержаться не за что, коню ступить некуда. А гнездо находилось на самой вершине горы, скрытой за тучами. Али тоже засомневался, сможет ли на такую гору взобраться. Но белый конь успокоил его:

- Я вырвусь вперед из толпы и мигом взлечу на гору. Только ты вцепись в гриву покрепче, хлестни меня кнутом так, чтобы круп мой горел, гикни громче шестидесяти трех джигитов.

Али вцепился в гриву, крепко сжал своего скакуна ногами. Как только был подан знак, белый конь вырвался из толпы. Али хлестнул его кнутом, гикнул громче шестидесяти трех джигитов. Конь устремился вверх, по отвесной каменной стене. Ступит передними ногами - тропу высечет, ступит задними ногами - широкую дорогу вырубит.

Вмиг доставил конь своего седока на вершину горы, к орлиному гнезду. Джигит взял из гнезда орлиное перо, спустился с горы и вручил его князю. Князь удивился, но нарушать уговор не стал:

- Достоин ты моей средней дочери. Но свадьбу я справлю всем трем дочерям сразу. Возвращайся к себе домой и жди. Когда у всех трех дочерей будут женихи, я во все концы отправлю гонцов с новостью. Тогда и приезжай.

Старшие братья видели, как всадник на белоснежном коне отдавал князю орлиное перо, но разглядеть Али не успели.

- Упустили мы и среднюю дочь, - сказал один из них другому. - Надо завтра надо еще раньше подняться. Может, хоть младшая дочь достанется кому-то из нас.

Поехали они к себе в аул. Али был уже дома и сделал вид, что никуда уезжать и не думал. Он встретил их вопросом:

- Какой джигит победил сегодня? Кому быть женихом средней дочери князя?

И услышал вчерашний ответ:

- А зачем тебе это знать? Ведь ты еще молод. По правде сказать, он был похож на тебя, но сидел на таком коне, какого ты в жизни не видел.

На третий день братья поднялись, когда светать не начинало. Али еще спал. Они оседлали коней и выехали из аула.

Только скрылись братья вдали, Али потер рыжий волос, и к нему тут же явился рыжий конь:

- Готов служить тебе, Али. Куда ехать прикажешь?

Али сказал, что хочет помериться силами с теми джигитами, которые приедут сегодня за младшей дочерью князя.

- К замку княжескому поедем; только вези меня по дороге, не надо по небу лететь, - попросил джигит рыжего коня.

Помчались они в сторону замка. Обогнали старших братьев Али. Те почтительно ответили на приветствие юноши, а средний брат снова удивленно сказал:

- Как похож этот всадник на нашего брата Али!

А младший брат все скакал вперед. Спорил с ветром рыжий конь, высекал из камней искры; на крутых поворотах, где Али хотел его придержать, покусывал удила от нетерпения.

Когда добрались до княжеского замка, было еще совсем рано. Но во дворе уже толпились джигиты: многие приехали из дальних краев и ночевали здесь. Вот появились и старшие братья, но в сутолоке они не заметили Али.

Наконец из замка показался князь. Подошел к джигитам, молча оглядел их и только потом заговорил - громко, чтобы всем было слышно:

- Женихом младшей дочери я объявлю того джигита, который на всем скаку достанет барана из колодца глубиною в шестьдесят три локтя.

Соперники смутились, подались назад. Толпа заволновалась, зашумела: мыслимое ли дело в узкий колодец на коне въехать? Нет, видно, князь решил младшую дочь замуж не выдавать. Так бы и сказал сразу, зачем требовать от джигитов непосильного дела? Али тоже взяло сомнение, но рыжий конь его успокоил:

- Ничего, я и не такое видел. Не жалей моих боков, ударь меня кнутом и гикни так, чтобы не только люди, но и деревья к земле припали. Да держись покрепче.

Али вцепился в гриву покрепче, ударил коня кнутом, гикнул что было сил: и люди, и деревья к земле припали.

Конь вынес седока из толпы и подлетел к тому колодцу, в который княжеские слуги опустили барана. Передними ногами конь принялся землю взрывать, а задними - разбрасывать ее в стороны. В два счета до самого дна добрался. Али схватил барана за рог и повернул обратно. Уже было выбрался из колодца, но бараний рог вдруг обломился, и баран упал обратно в колодец.

Младшая дочь князя сидела у окна и видела все. Когда Али уронил барана, она закричала ему:

- Хватай барана за шерсть!

Али послушался ее совета, вернулся в колодец, запустил руку в шерсть, схватил барана и поднялся из колодца. Бросил барана к ногам князя, и князь сказал:

- Вот кто достоин руки моей самой любимой дочери. Теперь будем готовиться к свадьбе. Быть ей через три дня. Приезжай, удалец.

Али ускакал на своем рыжем коне, а за ним потянулись остальные джигиты.

Когда братья вернулись в родной аул, Али хлопотал во дворе как ни в чем не бывало. И снова спросил, словно никуда не ездил и ничего не знает:

- Кто сегодня победил в состязании? Кого объявили женихом младшей дочери?

- А к чему тебе это знать? Ведь ты еще молод. По правде сказать, он был похож на тебя, но сидел на таком коне, какого ты в жизни не видел.

Тут Али не сдержался.

Достал черный волос, потом белый и рыжий, потер их в руках, и сразу появились все три коня: черный, белый и рыжий.

Братья ахнули от удивления.

- Что вы теперь скажете? - сказал Али старшим братьям.

Братья смешались, покраснели, стали просить Али не обижаться на них. Али ответил:

- Поздненько вы спохватились. Отец наказывал нам жить дружно. А вы забыли его наказ, только о себе заботились, только себя джигитами считали. Но я не забыл отцовы слова: “Плохим быть легко, трудно быть хорошим”. Я поступлю, как повелел нам отец. Мы братья, и я обойдусь с вами по-братски. Выбирайте себе по коню, а когда поедем на свадьбу, каждый выберет девушку, какая придется ему по душе и которой он сам понравится.

Так и сделали.

Через три дня князь объявил, что начинается свадьба. Али поехал к нему вместе с братьями - на черном, белом и рыжем конях. Князь взглянул на коней и признал женихов. Старший брат выбрал старшую дочь. Средний - среднюю. Али выбрал младшую. Она ему показалась самой красивой и доброй - Али не забыл, как она своим советом помогла ему  вытащить барана из колодца.

Три дня длилась свадьба.

Потом братья собрались домой, сели на коней, посадили княжеских дочерей впереди себя.

Князь одарил их подарками и проводил в путь-дорогу. И поехали они в свой аул: старший, на черном коне, - впереди; средний брат - за ним, на белом коне; Али - чуть поодаль, на рыжем коне. Вернулись они домой и стали жить-поживать.

/Перевод с чеченского Т. Чагаевой/

 

Добавить комментарий


Защитный код
Обновить

©НАНА: литературно-художественный, социально-культурологический женский журнал. Все права на материалы, находящиеся на сайте, охраняются в соответствии с законодательством РФ. При использовании материалов сайта гиперссылка на сайт журнала «Нана» обязательна.